NAGA CITY- Kinumpirmar ngonyan kan manhamiento kan Philippine Coast Guard (PCG) Camarines Norte na narescue na an mga turista na na-stranded sa isla kan Calaguas poon kan Sabado.
Sa impormasyong ipinaabot kan PCG-Camarines Norte sa Bombo Radyo Naga, napag-araman na alas-5 nin pagkaaga ngonyan na aldaw kan mag-resume an operasyon kan mga lunadang pandagat na pasiring asin pahali sa Calaguas Island.
Huli digdi, nakabwelta naman sa mainland kan banwaan nin Vinzons an mga turista siring man an mga kabuhan kan PCG-Camarines Norte na enot nang napabaretang na-stranded man sa nasambitang isla huli sa maraot na kamugtakan kan panahon kan nakaaging mga aldaw.
Enot digdi, kinumpirmar ni Chief Petty Officer Raymond San Jose, Deputy Station Commander kan PCG-Camarines Norte na na-stranded an nagkakapirang mga turista asin magin an saindang Acting Station Commander sa nasambitang isla poon pa kan Sabado hasta suodma huli sa maraot na kamugtakan kan panahon na naekperyensahan sa probinsya.
