NAGA CITY – Pigheras kan sarong Brgy Official sa syudad nin Naga an mga akomplisyemento sa laog kan halawig na pagsirbi komo Public Servant.
Sa entrevista kan Bombo Radyo Naga ki Jose Peñas Iii (Barangay Captain, Del Rosario, Naga City), sinaysay kaini na dakulang bagay na sa pagtukaw pa sana kaini komo kapitan, nagin marahay an pag organized kan Barangay people’s Council, na kun saen an gabos na mga organisasyon na nag ooperate sa sainbdang Brgy, pinagsaro ninda sa irarom kan nasambitan ng Council.
Sigun ki Peñas, sa paagi kaini nakapagpasar pa soboot sinda nin sarong ordinansa na an BPC asin Brgy Government, magin mag partner sa pagsaayos kan saindang komunidad.
Digde pigtarabangan na maitugdok an presenteng establisyemento asin nasundan kan iba pang edipisiyo asin pagpakarhay kan Nutrition Building na nagkaigwa nin Livelihood asin ALS.
Pigtawan duon kan opisyal na an Barangay people’s Council an manungod sa partnership, transparency asin sa kun pano makukua an partisipasyon asin kooperasyon kan mga konstituwentes sa paagi kan manlaenlaen na mga organisasyon.
Saro pa sa pigkokonsiderar na akomplisyemento kan pamayuhan iyo an pagmukna kan Citizen Charter na kun saen kun an sarong tawo may katuyuhan sa Brgy, makukua tulos sa halipot na panahon sana siring kan Brgy Certification basta igwa nin pighahagad na kumpletong requirements.
Kabali pa digde an mga accomplishemnents sa Infra, patinampo, housing, mga pailaw sa lugar, asin iba pang mga proyekto. Aminado man si Peñas na nagin instrikto man ini pag abot sa pamamayo sa lugar orog na kamawotan man sana kaini na mapamarhay an bilog na brgy.
Sa ngunyan, nagtutubod pa an opisyal na kaipuhang gibuhon an gabos na makakaya komo serbidor sa lugar huli ta bandang huri, an mga kahimanwa soboot an boss sa gabos na bagay.
