Dakula an nagin epekto sa buhay kan mga Pilipino kan ipinautob na reporma sa ekonomiya ni Presidente Ferdinand Marcos Jr. kun saen nag-angat an buhay kan satuyang mga namamanwaan.
Kabali sa mga importanteng reporma na ipinautob kan presidente an mga programa asin inisyatiba na masierto sa liberalization, privatization, asin globalization kan satuyang nasyon. Katakod kaini an mga ipinautob na istratehiya tanganing mapakusog an ekonomiya kan nasyon sa paagi kan napapanahong trade policy tools, sustained investments sa irrigation, flood control, supply chain logistics asin climate change adaptation.
Sa globalization reform strategy ipinag-orgulyo kan presidente an modernization and expansion kan Philippine domestic shipping, promotion and expansion kan Philippine overseas shipping, modernization of the Philippine shipbuilding and ship repair industry asin promotion kan highly-skilled Filipinos asin competitive maritime workforce.
Maikokonsiderar man na pillar sa economic reform kan nasyon an liberalization sa mga nagin paghihigot na nakaka-apektar sa sistema kan ekonomiya. Sa irarom kan digital transformation agenda naenkaminar an Google na pahewason pa an saindang negosyo digdi sa Pilipinas.
Dakulang tabang man sa gobyerno an Public-Private Partnership nin huli ta nabawasan an financial burden kan gobyerno mantang pigsisierto na padagos an pagtatao nin economic support sa mga mamamayan.
Sa mga proyekto nasa irarom kan PPP nagbukas ini nin ribong mga trabaho na dakulang tabang tanganing mapagian an buhay kan mga Pilipino.
