Mayo nin ano man na kulog buot si dating PNP Chief General Nicolas Torre III makalihis ining sibakon komo hepe kan pambansang pulisya.
Sa entrevista sa Kamara, sinaysay ni Torre na nagtitinir an saiyang suporta ki Presidente Bongbong Marcos asin mayo ining pinagbabasulan.
Inamin kan dating hepe kan pambansang pulisya na ako kaini na talagang mayong permanente sa pwesto. Habo man soboot simbagon ni Torre kun aakuon kaini an ano man na posisyon sa gobyerno asin ikakamaray kun halaton na sana an opisyal na announcement kun igwa nin ioopesir sa saiya.
Kinumpirmar man kan opisyal na nakatalaan ining mag-file nin leave of absence huli ta hasta sa ngunyan, pulis pa man giraray ini. Mayo pa soboot pag-uulayan na turn-over orog na ta mayo pang abiso asin 4-star general pa man ini.
Sa ibong man kan mga pangyayari, inihayag ni Torre na dae ini bitter, sa katunayan, preparasado ining magtao nin payo sa bagong PNP Chief na si PLt.General Jose Melencio Nartatez na inapod kaining “very good police officer”. Nilinaw man ni Torre na “in good terms” sinda ni DILG Secretary Jonvic Remulla.
Inihayag man ni Torre na nag atendir ini sa Kamara tangani man personal na bation asin darahan nin cake si Mamamayang Liberal Partylist Representative Leila De Lima para sa saiyang kumplianyo. Enot ng kinuwestiyon ni De Lima an pagigin matuninong ni PBBM sa paghali sa pwesto ki Torre.
Nagin kahaputan kaya ni De Lima kun anong nangyari ki Torre sa ibong kan marahay na performance kaini alaggad nakua pang isibak sa pwesto. Kinumpirmar man ngunyan na aldaw kan Malakanyang na may iniaalok na pwesto sa gobyerno para ki Gen. Torre.
