Nag-apelar si Senadora Imee Marcos sa saiyang tugang na si Presidente Ferdinand Marcos Jr., na magin maingat asin mapanuri sa pakikipagdiskusyon ki US President Donald Trump.
Patanid kan senador, dapat patas asin pantay an kasunduan tanganing mahiling kan Estados Unidos na kita an bansan igwang sadiring dignidad asin paninindugan.
Hurot pa kaini, an pakikipagkalakalan an dapat sarong pakikipag-ugnayan asin dae pagsuko.Komo masugid soboot na kaalyado kan Amerika sa ulayang militar asin ekonomiya, dapat maibusol kan Presidente an 10% sa taripa, maski ipantay na sana sa Indonesia na 19 percent huli ta garo mas halangkaw pa digde an buwis na mawot ipataw sa nasyon.
Marapat sana na dae soboot magpirma an Presidente sa maski anong kasunduan na sa huri an madedehado man an sadiring bayan maski pa igwang karibay ining ginto, personal na promesa o deklarasyon kan alyansa.
Dugang pa kan senadora, dae dapat magtugot an Pilipinas na magpakontrol sa Amerika partikularmente sa serbisyo asin suplay na siertong makakaapektar sa sadiring domestic economic policies kan nasyon.
