NAGA CITY- Padagos an pigsasagibong operasyon kan mga otoridad sa siyudad nin Naga kontra sa iligal na droga.
Sa nagin paghampang sa mga kagawad kan media ni Naga City Councilor Omar Buenafe, sinaysay kaini na kadakol ng accomplishment an naginibuhan an Naga City Police Office siring kan pag-raid sa mga pigkokonsederar na drug den, pagdakop sa mga padagos na nagpapabakal asin naggagamit kaini, pagkumpiskar sa mga pigpapangalad na bulong asin iba pa.
Sigun ki Buenafe, dakulang katabagan sa lado kan mga kapulisan an mga impormasyon na gikan sa publiko sa paagi kan hotline na saindang ipinaluwas.
Alagad kasabay man kaini, pig-ako kan opisyal na igwa pa man giraray nagtitinir na mga indibidwal na nagpapabakal nin iligal na droga na kun saen an mga nagkapira digde an an dati ng nakulong sa kaparehas na kaso.
An nasambitan ng problema an nangangaipuhan nin hollistic approach para sa gabos na sektor kan komunidad.
Sa ngunyan, pigsierto na sana kan opisyal na dae nag-uuntok an LGU-Naga sa tabang kan mga kapulisan sa saindang paglaban kontra droga.
