Duwang aktibidad an pangengenotan ni Presidente Ferdinand Marcos Jr ngonian na Huwebes.
Inot na maabot si Presidente Marcos sa proyektong “Lab for All” bandang alas 10:00 sa buntag Rizal High School sa Pasig City.
Pigsasarigan man na maatendir si First Lady Liza Araneta-Marcos, Pasig City Mayor Vico Sotto, Cong. Roman Romulo asin iba pang opisyal kan gobyerno.
An Lab for All caravan sarong medical mission initiative ni First Lady Liza Marcos, kun saen sa kada medical mission minaluwas an First Lady sa mobile clinic sa LGU.
Pasado alas 2:00 ngonian na hapon, maatender man si Presidente Marcos sa selebrasyon kan National Teachers’ Day 2024-Together4Teachers na gigibuhon sa Araneta Coliseum sa Cubao, Quezon City.
Ini katakod man sa pagselebrar kan World Teacher’s Day ngonian na maabot na Oktubre 5, Sabado, kun saen mabibisto an kakayahan asin dedikasyon kan mga Filipinong paratukdo na mayor na katuwang kan DepEd sa pagtulod kan kalidad na edukasyon para sa mga estudyante.
Mientrastanto, magigin bisita man sa nasabing aktibidad si Department of Education (DepEd) Secretary Sonny Angara, Quezon City Mayor Joy Belmonte asin iba pang opisyal kan gobyerno.
