Mas mawot tutukan ni Presidente Ferdinand Marcos Jr. an kamugtakan kan ekonomiya kan nasyon sa tahaw kan nagpapadagos na imbestigasyon kan maanomalyang flood control projects.
Sigun ki Palace Press Officer Undersecretary Claire Castro, malinaw na naipasar na sa mga kinauukulang ahensiya kan gobyerno an responsibilidad sa imbestigasyon asin paninimbagan sa isyu kan flood control.
An Inter-Agency Committee on Infrastructure (ICI) soboot an nangengenot sa pagsisiyasat, mantang an Department of Public Works and Highways (DPWH) an bahalang mag-aksiyon kontra sa mga indibidwal na imbwelto.
Kasabay kaini, padagos man an suhay na imbestigasyon kan Office of the Ombudsman katuwang an Department of Justice (DOJ).
Nilinaw man kan Palasyo na mawot pa man kan Presidente na panimbagon an mga may sala, mantang ini man an nakatuon sa pag-angat kan ekonomiya asin pagpapamarhay sa kabuhayan kan mga Pilipino.
Dugang pa ni Castro, bukas an President na pag-ulayan ini sa media, orog pa ta obheto kaining masierto na mamamatean kan taumbayan an tunay na benepisyo kan mga lakdang pang-ekonomiya kan gobyerno.
