Nakisumaro si Presidente Ferdinand Marcos Jr. sa sambayanang Pilipino sa pagkomemorar kan ika- 161 anibersaryo kan kompleanyo ni Gat Andres Bonifacio, ngunyan na aldaw nin Sabado, Nobyembre 30.
Gikan sa hamak na pagpuon, dae soboot ini nagin ulang tanganing maisakatupadan ni Gat Andres Bonifacio an saiyang mga pangaturogan asin obheto para sa nasyon.
Sa pagselebrar soboot sa okasyong ini, nangapodan an presidente sa gabos na rumdoman an pamana kan sakripisyo na ipinahiling ni Gat Andres Bonifacio asin kan mga ninuno.
Alagad maski haloy nang mayo si Gat Andres Bonifacio, nagpapadagos man an saiyang laban. An saiyang isog asin deteminasyon an padagos na nagigin inspirasyon kan gabos na maglapigot para sa kadakilaan asin pagheras nin gibuhon asin tungkulon para sa pagbilog kan nasyon.
Mientrastanto, katakod man kaini, nagsagibo nin mga hiro-protesta an mga raliyista partikulamente na an Kilusang Mayo Uno, kasubagong pagkaaga sa may Mendiola, Manila.
Kun saen, nagkagirian an pulis asin pirang miyembro kan progresibong grupo huli sa pantatapa kan mga pulisya. Huli digdi pirang raliyista asin pulisya an nalugadan.
Ipinaliwanag man ni Maj. Ines, na mayong permit na magsagibo nin aktibidad an mga ini sa nasambitan ng lugar asin dae ini kabali sa freedom park.
