Pig-anunsyar ni US na saindang piglangkaw sa $20 milyon an reward money sa impormasyon tangani na tulos na maarestar si Venezuelan President Nicolas Maduro.
Pigasagibo an anunsiyo sa aldaw na kun saen nanumpa sa saiyang ikatulong termino si Maduro.
Kaparehas man na kantidad an itatao kan US sa pagkaarestar ki Interior Minister Diosdado Cabello mantang igwa nin $15-M na reward para sa pagkakaarestae ki Defense Minister Vladimir Padrino.
Nagluwas man kan sanctions an United Kingdom sa 15 mayo na opisyal kan Venezuela kabali na an mga judges asin miyembro kan security forces asin military officials.
Kadakol mga nasyon kaya an nagtutubod na dinaya ni Maduro an eleksyon kan Hulyo kan nakalihis na taon kaya ini nanggana.
Pig akusaran man kan US an Venezuela na sinda an nagdadara nin mga droga sa sainda tangani na rauton an salud kan Americans.
